Analisti Eduard Zaloshnja në emisionin “Real Story” në “News 24” theksoi se nëse dalin edhe 6 kryebashkiakë të tjerë, të ngjashëm me rastin e kryebashkiakut të Bulqizës, kryeministri Edi Rama do të paguajë kosto politike.
“Mos mendojmë që ligji mund të ç’rrënjosë një fenomen që ka filluar që në ‘97 me bandat e Vlorës, Tiranës etj, të fortët që ndihmuan politikanët për vota. Dhe tani bëhen pjesë e përbashkët, persona të tillë që bëhen kryebashkiakë apo deputetë. Këta s’mund të shkulen menjëherë dhe shumë njerëz do të kenë frikë të kandidojnë se kanë bërë më parë një vepër penale.
Gjithmonë ai që ka qenë në pushtet ka dashur të abuzojë me ligjin, pra opozita është më e kujdesshme me ligjin se nuk e ka pushtetin.
Opozitës i ka dhënë një armë në dorë ky ligj, në këtë sens do s’do ligjit do ia shohim rezultatin.
Rama, nëse dalin dhe nja 6 të tjerë do paguaj kosto politike. Sa më shumë raste të tilla të zbulojë opozita me median, aq më i kujdesshëm do jetë nesër Basha me Ramën”, tha Zaloshnja.
Kujtojmë se kryebashkiaku i Bulqizës pretendohet se ka pirë kokainë në mjedis publik. Videoja është publikuar nga gazetari investigativ Artan Hoxha.
