Këngëtarja Zajmina Vasjari i ka cilësuar si lajme portalesh lidhur me atë se çfarë është shkruar gjatë orëve të fundit. Emri i saj doli në përgjimet e policëve të arrestuar në Morinë. Bëhet fjalë për një aksion që kishte për synim goditjen e policëve të korruptuar. Ajo ka thënë për “Panorama Plus” se ka një fëmijë të vogël, dhe se nuk ka kohë që të merret me lajmet në portale.
“Unë kam një fëmijë tre javësh, dhe se kam lexuar fare, nuk kam kohë të merrem”, ka thënë artisja. Po kështu ajo ka mohuar lajmin se ka udhëtuar drejt Kosovës me fëmijët pa prokurë.
“Është thjesht një lajm portalesh. Nuk është e vërtetë, unë nuk kam kaluar asnjëherë në Morinë me fëmijët. Kam një fëmijë tre javësh dhe po kaloj një kohë shumë të bukur. Nuk dua që emri im të lakohet nëpër portale për këtë çështje”, është shprehur këngëtarja, e cila ka mohuar kështu përfshirjen e saj në përgjimet e policëve të arrestuar.
