Pak ditë më parë, Drejtori i Përgjithshëm i Policisë së Shtetit, Ardi Veliu, shokoi mbarë opinionin publik me një veprim të paprecedentë. Në përpjekje për të justifikuar dhunën e uniformave blu ndaj të miturit, kreu i Policisë së Shtetit nxori një video të Zaida Çobos, nënës së 15-vjeçarit, duke dëshmuar se bëhej fjalë për një familje jo normale. Zaida Çobo ka rrëfyer se pamjet e publikuara nga drejtori i policisë, ishin pjesë të një skene filmi dhe se do të kallëzonte penalisht kreun e policisë për cënim të imazhit.
Zaida Çobo ka dorëzuar kërkesë padi në Gjykatën e Tiranës ndaj drejtorit të Policisë së Shtetit, Ardi Veliu.
Objekti i padisë është shpërblim dëm–jo pasuror shkaktuar paditëses nga cënimi i nderit dhe dinjitetit dhe publikimit të të dhënave personale në masën 1 milionë lekë.
Po kështu i kërkohet palës së paditur të publikojë vendimin e gjykatës në të gjithë mediat.
