Kryeministri i Maqedonisë së Veriut Zoran Zaev në një intervistë për “New York Times” theksoi se bllokimi i zgjerimit të BE-së mund të shkaktojë ndryshime dramatike në rajon.
“Deri para dy muajsh, lideri i kombit të vogël të Ballkanit në Maqedoninë e Veriut shkonte drejt, përshëndetur nga liderët botërorë, i lavdëruar nga njeriu i parë i OKB-së sepse ofroi një pikë të rrallë të ndritshëm në peizazhin botëror të trazuar, ndërsa gjithashtu u gjend në listën e kandidatëve për Çmimin Nobel për Paqe”, shkruan gazeta “New York Times”.
Zaev ka investuar karrierën e tij politike dhe të ardhmen e vendit të tij në zgjidhjen e një mosmarrëveshje tre dekadash me Greqinë fqinje për emrin e këtij vendi.
Me ndihmën e punës së palodhur dhe përtej pritjeve, ai pati sukses. Por, ulur para zyrës së tij në Shkup, gjithçka duket e largët.
“Po thyhem nga brenda”, tha Zaev, raporton “INA”.
Gazeta shkruan se pritej që ndryshimi i emrit të hapte rrugën e pranimit të Maqedonisë së Veriut në BE, por Franca vuri veton ndaj vendimit muajin e kaluar, duke kërkuar reforma në procesin e pranimit.
Zaev tha se kjo e ka shkatërruar personalisht, psikologjikisht, ku shtoi se ai është i shqetësuar jo vetëm për veten dhe vendin, por edhe për tërë stabilitetin e Ballkanit Perëndimor.
“Nacionalizmi dhe radikalizmi mund të rriten përsëri. Ekziston rrezik nga konflikti në vetë shtetet, por edhe në mes shteteve”, tha Zaev.
Gjithashtu mund të lexoni:
Negociatat/ Zoran Zaev merr vendimin: Maqedonia e Veriut shkon në zgjedhje të parakohshme
“Dorëheqja” e Zoran Zaev/ Media maqedonase: Ja kush e zëvendëson
