Kryeministri i Maqedonisë Veriore Zoran Zaev ka shprehur pakënaqësinë e tij lidhur me faktin se Evropa nuk po ia çel dyert për fillimin e negociatave për anëtarësim.
“Të gjithë thonë se Marrëveshja e Prespës është një nga shembujt më të mirë në Ballkanin Perëndimor. Nëse BE-ja “penalizon” këtë marrëveshje dhe Maqedoninë e Veriut duke vonuar negociatat për pranim, si mund të presë që Aleksandar Vuçiç dhe Hashim Thaçi të gjejnë një zgjidhje për çështjen e Kosovës ose si do t’i motivojë liderët boshnjakë për të gjetur një zgjidhje në Bosnje e Hercegovinë. Nuk kemi alternativë. Nëse BE-ja vendos që të mos hapë rrugën për negociatat e anëtarësimit, ne nuk do të dorëzohemi në rrugën tonë drejt BE-së. Kjo është e ardhmja jonë”, ka deklaruar Zaev.
