Bota

Lufta në Siri/ Erdogan i gatshëm për armëpushim vetëm me këtë kusht


               Publikuar në : 16:23 - 16/10/19 Enno

Presidenti i Turqisë, Recep Tayyip Erdogan deklaroi se sulmet e Turqisë ndaj kurdëve në Sirinë Veriore do të përfundojnë vetëm nëse forcat e udhëhequra nga kurdët do të tërhiqen. Duke theksuar se nuk është i gatshëm të negociojë.

“Kjo do të ishte mënyra më e shpejtë për t’i dhënë fund konfliktit”, nënvizoi Erdogan.

Ditën e djeshme, lideri turk u shpreh për mediat se nuk ka ndërmend të shpallë një armëpushim në rajon, dhe se nuk ishte i shqetësuar për sanksionet e vendosura nga SHBA.

Sakaq, zv.presidenti i Amerikës, Mike Pence, ka udhëtuar drejt Ankarasë për t’u takuar me Erdogan dhe për t’i rikujtuar këtij të fundit këto sanksione, për të cilat SHBA është shprehur se nuk do të hiqen derisa kriza të zgjidhet.

Turqia nisi ofensivën e saj kundrejt zonave të udhëhequra nga kurdët në Siri, për të krijuar një “zonë të sigurtë”, me qëllim për të rikthyer të gjithë refugjatët siriane që aktualisht ndodhen në Turqi.

Kthehu
WhatsApp Denonco ne TT