Ambasadorja e Shteteve të Bashkuara të Amerikës në Tiranë Yuri Kim, ka dhënë një mesazh falenderues për të gjithë ata që janë në vijën e parë të luftës kundër COVID-19.
Përmes një video-mesazhi të publikuar në Facebook, Kim thekson se të gjithë doktorët, infermierët, policët, vullnetarët, sanitarët, mishërojnë çdo gjë që e gjithë bota adhuron tek Shqipëria.
“Ndërsa bashkojmë forcat tona për të luftuar koronavirusin, doja të merrja disa çaste për të falënderuar, në emër të të gjithë Ambasadës së SHBA, të gjithë doktorët, infermierët, policët, vullnetarët, sanitarët, të gjithë ata që kanë bërë përpara për t’u siguruar që të gjithë ne të jemi të sigurt dhe që shërbimet jetësore të vazhdojnë.
Faleminderit shumë për sakrificën tuaj. Ju mishëroni çdo gjë që e gjithë bota adhuron tek Shqipëria dhe populli shqiptar. Kurajo, besnikëri dhe këmbëngulje, pavarësisht rrethanave. Falë sakrificës tuaj, ne do t’ia dalim së bashku! Faleminderit shumë. Faleminderit nga zemra”, deklaron ambasadorja Yuri Kim.
