Ambasadorja amerikane në Tiranë, Yuri Kim ka aprovuar pëlqimin e saj për Shqipërinë dhe traditat. Me anë të një postimi në Twitter, Kim thotë se i pëlqejnë këngët dhe vallet popullore shqiptare. E në të njëjtën kohë i pëlqen të pijë një gotë raki ose kafe ngado në Shqipëri.
“Më lejoni të konfirmoj “lajmin”: Në të vërtetë më pëlqejnë shumë këngët dhe vallet popullore shqiptare. Më pëlqej të konsumoj raki ose kafe me miqtë e mi kudo që shkoj në Shqipëri dhe më pëlqen Shkodra e shumë vende të tjera në tokën e shqiponjave”, shkruan Yuri Kim.
Ky reagim i ambasadores vjen pasi një ditë më parë, në rrjet qarkulloi një video, ku ambasadorja Yuri Kim shihej teksa po shijonte muzikën live me miqtë e saj në qytetin e Shkodrës.
Në këtë formë, ambasadorja Kim i është përgjigjur me delikatesë lajmeve që qarkulluan për të ku u filmua duke bërë shopping në dyqanet e Shkodrës dhe duke pirë raki dhe verë në një tryezë në Shkodër.
Let me confirm the “news” 😂 : I do indeed love Albanian folk songs and dancing, I love sharing a raki or coffee with friends wherever I go, and I love #Shkoder and so many other places in this beautiful land of eagles #shqiperia 🇺🇸 ❤️ 🇦🇱
— Ambassador Yuri Kim (@USAmbAlbania) October 18, 2022
