Ambasadorja Amerikane në Shqipëri Yuri Kim, përmes një postimi në Twitter i është drejtuar udhëheqësve politikë shqiptarë, duke u shprehur se aktualisht nuk është koha për të bërë politikë si zakonisht.
Kim deklaron se “lufta nuk mund të fitohet pa bashkëpunim dhe disiplinë, si nga liderët politikë, ashtu edhe nga e gjithë popullsia, që nga Shkodra deri në Sarandë”.
Reagimi i plotë i saj: “Bisedova me Presidentin Ilir Meta, kryeministrin Edi Rama dhe Kreun e PD-së, Lulzim Basha, për t’i lavdëruar për bashkëpunimin e tyre në luftën kundër COVID-19.
Tani nuk është koha për të bërë politikë si zakonisht. Lufta nuk mund të fitohet pa bashkëpunimin dhe disiplinën si nga liderët politikë, ashtu edhe nga e gjithë popullsia, që nga Shkodra deri në Sarandë”.
Kujtojmë se në Shqipëri deri më tani 22 persona kanë ndërruar jetë nga koronavirusi, dhe 377 raste kanë rezultuar pozitive.
