Arsenali ka fituar me rezultatin 2-0 ndaj ekipit të Manchester United, ndërsa golin e parë të takimit e shënoi Granit Xhaka. Një kryevepër e mesfushorit shqiptar do të hapte edhe historikun e ndeshjes, me De Gea-n që doli tërësisht jashtë loje pas goditjes së Xhakës.
Aubameyang do të gjente edhe golin e sigurisë, për të marrë një fitore me shumë vlerë për Arsenalin, ndaj një ekipi në formë si Manchester United. Madje do të ishte trajneri i këtyre të fundit, Solskjaer, që do të mbetej i befasuar nga Xhaka.
“Granit Xhaka duhet të jetë një brazilian, pasi mënyra sesi e gjuajti topin dhe ndryshimi i drejtimit, ishte vërtet e mrekullueshme”, ka thënë Solskjaer.
