Ministri i Brendshmen Fatmir Xhafaj në një dalje publike për mediat ka theksuar se ndaj atyre që kanë nxitur dhe kanë ushtruar dhunë mbi policinë sot në protestë në Rrugën e Kombit do të ketë një përgjigje të ashpër.
Ne i morëm të gjitha masat që protesta te ishte paqësore siç edhe u deklarua nga qytetaret, por menjëherë situata doli jashtë kontrollit dhunuar policinë dhe duke shkatërruar pronën publike private.
“Të nderuar qytetarë! Sot në datën 31 mars nga një përfaqësi e qytetarëve të Bashkisë Kukës u kërkua që të zhvillohej një protestë në orën 11:00 për të shprehur kundërshtinë mbi tarifën që paguhet për automjetet që qarkullojnë në autostradën Milot-Morinë. Në përputhje me kërkesën e bërë, dhe në respektim të kësaj të drejte themelore të qytetarëve Policia e Shtetit krijoi të gjitha kushtet dhe mori masat e duhura sipas ligjit për zhvillimin e këtij tubimi.
Sikurse mundet të keni ndjekur nga njoftime të ndryshme mediatike, manifestimi i presupozuar paqësor u shndërrua menjëherë në sulm barbar kundër policëve dhe kundër pasurisë publike e asaj private. Grupe individësh të papërgjegjshëm në përbërje të të cilëve në numër jo të vogël gjendeshin elementë me të shkuar të rëndë kriminale si dhe persona të tjerë me rrezikshmëri të lartë shoqërore shfrytëzuan padrejtësisht të drejtën legjitime dhe paqësore të tubimit.
Në cilësinë e Ministrit të Brendshëm deklaroj se policia do ketë një përgjigjë të ashpër për çdo person që ka nxitur dhe është përfshirë në aktet e dhunës ndaj policisë dhe kanë sjellë një dëm të madh ndaj pronës publike dhe private. Kush nxit dhunën dhe anarshinë do marrë përgjigjen e merituar ligjore. Askush s’mund të jetë mbi ligjin”, tha Xhafaj ne deklaraten per mediat”- , tha Xhafaj.
