Ditën e sotme ministrja e Mbrojtjes Olta Xhaçka, bashkë me partnerin e saj ka votuar në një Qendër Votimi në Selitë.
Përgjatë një prononcimi mediatik, ajo është shprehur se sot nuk kanë fituar thjesht kandidatët që janë në garë, por të gjithë shqiptarët.
“Do të fitojnë të gjithë shqiptarët që historia e cenimit të të drejtës së votës të mos ndodhë asnjëherë, aq më pak me pazare politike dhe aq më pak akoma me dhunë. Dhe nuk ka rëndësi nëse është një parti, nëse janë 5, nëse janë 10. E drejta e gjithë shqiptarëve fiton gjithmonë dhe këto janë zgjedhje për popullin jo për partitë. Gara ka qenë e hapur, partitë kanë qenë të lira që të garonin me kandidatët e tyre. Sot jemi këtu edhe zgjedh populli”, tha ajo.
