Ministrja e Punëve të Jashtme dhe Diasporës e Kosovës, Meliza Haradinaj-Stublla, ka thënë se presidentit serb, Aleksandër Vuçiç, nuk do t’i lejohet hyrja në Kosovë derisa të kërkojë falje për gjenocidin ndaj popullit kosovar.
Përmes një postimi në rrjein social, Twitter, Haradinaj u shpreh se ka përfunduar koha kur Kosova është keqpërdorë si monedhë transaksioni ndërkombëtar dhe si platformë për show politik për Vuçiçn dhe Serbinë.
Pyetje për Vuçiqin: pic.twitter.com/cRbpbYAbeX
— Meliza Haradinaj (@MelizaHaradinaj) November 25, 2020
Retorika ndërmjet dy vendeve ka shënuar përshkallëzim në javët e fundit.
Më 12 nëntor pas një takimi me ambasadorët e Kuintit, Vuçiq tha se në Kosovë mund të ndodhë një konflikt i llojit të Nagorno Karabakut nëse përpjekjet për kompromis dështojnë.
Kjo deklaratë e Vuçiçit në Prishtinë nxiti reagime. Ushtruesja e detyrës së presidentit të Kosovës, Vjosa Osmani dhe kryeministri i Kosovës, Avdullah Hoti, u bën thirrje Bashkimit Evropian dhe NATO-s, që të reagojnë për këto komente të presidentit serb.
