Vuçiç: Na pret një presion i madh për ta njohur Kosovën

Presidenti serb Aleksandër Vuçiç, pas mbledhjes në Partinë Progresive Serbe ka folur në lidhje me dialogun Kosovë-Serbi.

Sipas Gazeta Express, Vuçiç ka thënë se vendi po përballet më një po përballemi me një periudhë të vështirë në lidhje me negociatat me Kosovën. Ai ka shtuar se ka presion të shtuar nga SHBA-ja dhe vendet evropiane për njohjen e Kosovës.

“Pritet presioni i SHBA-së dhe vendeve evropiane për ta njohur Kosovën. Padyshim, një periudhë e vështirë është para nesh. Të gjitha presionet për përpjekjen për t’i dhënë fund kompetencave të autoriteteve në Republikën Srpska duhet të monitorohen,”-ka thënë ai.

Dialogu politik ndërmjet Kosovës dhe Serbisë, me ndërmjetësimin e Bashkimit Evropian, ka nisur më 2011. Takimi i fundit ndërmjet krerëve shtetërorë të këtyre vendeve është zhvilluar në shtator të vitit të kaluar.