Presidenti i Serbisë, Aleksandër Vuçiç ka komentuar sërish çështjen e vaksinimit kundër koronavirusit të serbëve në Kosovë.
Vuçiç ka thënë se është i lumtur që në Kosovë, si president serb po sjell vaksina e ilaçe dhe jo tanke.
Gjithashtu, ai ka folur për njohjen e Kosovës, duke përsëritur edhe një herë se derisa të jetë ai president, nuk do ta njohë si shtet të pavarur.
“Jam i lumtur që kam dërguar në Kosovë vaksina dhe jo tanke. Sa të jem unë president i Serbisë nuk do të ketë njohje të pavarësisë së Kosovës. Nuk kam as çfarë të shtojë e as çfarë të marr nga kjo”, u shpreh presidenti serb.
Qeveria në Serbi ka ofruar vaksina anit-Covid dhe për qytetarët e saj në Kosovë. Ky veprim ka ngjallur reagimin e qeverisë në Kosovë, të cilët e kanë quajtur një veprim jo të drejt dhe të pranueshëm.
