E mërkurë, 4 Gusht, 2021
35.5 C
Tirana

Vr*u të dashurën gjatë pushimeve: Ngatërruam rrugën për faj të saj!

Një 30-vjeçar vrau partneren e tij 26-vjeçare gjatë pushimeve në Greqi, pasi ajo kishte ngatërruar rrugën. Kaq kishte mjaftuar që të nxeheshin gjakrat, dhe të ndodhte edhe ngjarja fatale. Vrasësi e ka pranuar se ka kryer krimin, teksa ka thënë para policisë se e vrau partneren e tij për shkak se ngatërruan rrugën për në destinacionin ku ishin nisur.

Mediat greke shkruajnë se çifti kishte marrë rrugën për në një vend tjetër në ishullin Folegandros, por ishin ngatërruar. Sherri mori përmasa tragjike pasi 26-vjeçarja Garyfallia u shty nga i dashuri vrasës në një greminë, dhe përfundoi në det duke ndërruar jetë. Gjatë rrëfimit 30-vjeçari deklaroi se ai ndaloi pa dashje buzë shkëmbinjve, dhe në atë moment ajo doli nga makina e trembur. Kur policia e pyeti pse e shtyu vajzën, ai u shpreh se ndodhi në gjaknxehtësi e sipër dhe se nuk kishte ndërmend ta vriste atë.

Rezultatet e autopsisë

Të dielën pasdite dolën edhe rezultatet e autopsisë, për shkakun e vdekjes së të resë. Ajo kishte qenë gjallë deri në momentin kur ai e shtyu në det. Vdekja dyshohet të ketë ardhur si pasojë e mbytjes, ndërsa plagët u shkaktuan nga përplasja në shkëmbinj.

Dyshimet janë se vrasësi ka qenë duke parë mesazhet e saj në telefon

Kriminologu i njohur grek Alexis Kougias, ka hedhur dritë mbi detaje të reja në lidhje me vrasjen e 26-vjeçares Garyfallia, nga i dashuri i saj teksa ndodheshin me pushime. Dyshimet janë se vrasësi ka qenë duke parë mesazhet e saj në telefon.

“Siç e dini, jemi ende në fazën paragjyqësore e cila është sekrete dhe asgjë nuk është bërë publike. Sapo çështja të përfundojë, dosja do i dërgohet prokurorit të Naxos. Ai do të përpunojë të dhënat”, deklaroi ai.

Të rinjtë nuk kishin një marrëdhënie serioze

Të rinjtë kishin rreth një vit që njiheshin, dhe nuk kishin ende një marrëdhënie serioze. Prindërit e vajzës e dinin që e bija shoqërohej me një person, por ende nuk e kishin takuar atë. Kohët e fundit, ajo i kishte thënë të ëmës se 30-vjeçari po i monitoronte mesazhet.

30-vjeçari pranon krimin

30-vjeçari pranoi krimin duke deklaruar se e shtyu të dashurën në shkëmbinj, pas një sherri që kishin pasur pasi humbën rrugën për në vendin ku ishin nisur. Ai u shpreh se zbriti poshtë, dhe kur e pa pa shenja jete u largua menjëherë. Vrasësi u transferua nga Folegandros në Naxos me anije të portit, dhe u dërgua menjëherë në Departamentin e Policisë të ishullit, ndërsa më pas në Prokurorinë e Naxos.

Familjarët i japin lamtumirën e fundit

Familjarët dhe miqtë pritet t’i japin lamtumirën e fundit të resë. Askush nuk mund të besojë në lagjen Garyfallia në Korint se vajza fatkeqe humbi jetën kaq padrejtësisht gjatë pushimeve, nga duart e partnerit të saj në Folegandros.

Të gjithë në lagjen e saj janë të shokuar. “Është për të ardhur keq që një vajzë kaq e re, u largua kaq padrejtësisht. Ajo ishte aq vajzë e mirë. Nuk mund ta besoj”, tha një fqinje që e ka njohur që kur ishte e vogël. “Pse e bëri atë? “Pse e vrau?”, tha një tjetër fqinj.

Babai i Garyfallia ka thënë se e bija lexonte gjithë kohën, dhe se ishte për të parën herë për pushime. “Një vajzë që lexoi për një jetë dhe nuk bëri asgjë tjetër dhe shkoi me pushime për herë të parë në jetën e saj”, është shprehur ai.

Nga ana e saj, nëna e Garyfallia, Aleka Psarakou, kërkon që të respektohet dhimbja e familjes. Mes lotësh, ajo u shpreh se në rolin e nënës nuk mund ta drejtojë gishtin nga nëna e autorit, pasi askush nuk do donte që fëmija i saj të arrinte në atë pikë.

“Ka njerëz të tillë që unë mund t’i quaj frikacakë dhe endacakë vetëm kur marrin një vajzë me pushime dhe në vend që ta mbrojnë, ata sillen ashtu”, deklaroi ajo duke iu referuar vrasësit të së bijës./TIRANA TODAY

- Reklama -

Më shumë nga kategoria




Të fundit

VIDEO/Rama i shpalli ‘luf*ë të hapur’, Peleshi shfaqet me Dritan Lelin në Vlorë

Situata me zjarret është përkeqësuar gjatë ditëve të fundit. Flakët kanë mbërritur edhe në zonat e banuara, duke ndezur sinjalin SOS në Gjirokastër, Dukat,...

Verbëria e rutinës së dorëzimit të përditshëm

Nga: Agim Baçi Shpesh njerëzit tregohen të verbër, ose bëjnë sikur!”, tha shkrimtari portugez Jose Saramango në ceremoninë e marrjes së çmimit “Nobel” në vitin 1998, duke...

Humbi jetën mes flakëve/ Shoku i viktimës: Nuk kishim zjarrfikëse

Detaje të reja të rënda kanë dalë në dritë lidhur me ngjarjen e rëndë ndodhur dje në fshatin “Asim Zeneli” në Gjirokastër, ku mbeti...

E vr*u për pronën/ “I trembem hakmarrjes”, vëllai i vras*sit kërkon mëshirë

Pak ditë më parë, një sherr mes kushërinjve për pronën në Lushnje përfundoi me një të vrarë. Autori i krimit, Kastriot Hasalla pritet të...

‘Cënoi besimin e publikut’, KPA shkarkon prokurorin e Krimeve të Rënda

Kolegji i Posaçëm i Apelimit (KPA), shkarkoi nga detyra prokurorin e Krimeve të Rënda Besim Hajdarmataj. Në vendim thuhet se Hajdarmataj ka cënuar besimin...