Delegacioni i OSBE në Shqipëri, shpreh keqardhjen për vrasjen e Klodian Rashës nga polici i Shqiponjave, Nevaldo Hadëraj. Në një reagim, OSBE thotë se ka besim se ngjarja do të hetohet siç duhet.
Reagimi i plotë
Ligjshmëria dhe rendi publik janë në themel të demokracisë dhe shtetit të së drejtës. Prezenca e OSBE-së në Shqipëri shpreh keqardhjen e saj të thellë për vdekjen e Klodian Rashës dhe besimin se ajo do hetohet si duhet. Mendimet dhe lutjet tona janë për familjen e tij. Tani, ne bëjmë thirrje për përmbajtje nga çdo lloj dhune dhe që të lejohet ligji të veprojë.
Më herët reagoi edhe ambasadorja amerikane, Yuri Kim, ambasadori i BE, Luigi Soreca dhe ai gjerman, Peter Zingraf. Diplomatët e huaj i kanë bërë thirrje qeverisë dhe protestuesve të heqin dorë nga dhuna.
