Ish-kryeministri, Sali Berisha, ka komentuar deklaratën e Edi Ramës, i cili tha se vrasja e Klodian Rashës ka qenë aksidentale si dhe pensionin që i ka dhënë qeveria familjes Rasha.
I ftuar në ‘Çim Peka Live’, Berisha ka thënë se Rama ka bërë zgjedhje kanunore duke pasi sipas tij në kanun gjaku ose merret ose paguhet.
Ndër të tjera, ai deklaroi se një veprim të tillë nuk duhet ta bëjë në asnjë mënyrë një qeveri duke shtuar se kjo e fundit duhet të përgjigjet për një vrasja shtetërore.
Sali Berisha: “Gjaku ose mirret ose paguhet me para. rama zgjodhi ta paguajë me para, kjo është një vrasje e dytë. Vrasjen e transfrormoi në aksident dhe mbuloi ngjarjen me para. Edi Rama bëri zgjedhjen kanunore, duke e quajtur aksident unë kamë nxjerrë të pafajshëm vrasësin duke e quajtur aksident vdekjen e Klodianit. Është vrasje shtetërore, ti duhet t’i përgjigjesh viktimës. Nëse ndodh pa dashje shteti paguan. Vendimi i gjykatës është marrë që sot, gjykata është e detyruar, nëse qeveria e shpall aksident gjykata nuk ka të drejtë të shkojë më tej. Unë të jap paratë për gjakun dhe unë të jap atë që dua unë vetë . Një qeveri nuk bën kurrë një veprim të tillë.”
