Prokuroria e Tiranës ka shpallur pretencën ditën e sotme për Griseldo Kusin. Ky i fundit akuzohet se vrau me plumb në kokë teknikun e kondicionerit, Indrit Çelajn.
Prokuroria kërkon 21 vite burg për të akuzuarin Griseldo Kusi, por ai përfiton ulje të dënimit për shkak të gjykimit të shkurtuar, me 1/3, pra nga 21 mund të dënohet me 14 vite burg, pa përfshirë kohëm e paraburgimit që nga 2019 apo amnisti të tjera të mundshme.
Si ndodhi ngjarja?
Indrit Çelaj, 26 vjeç ndërroi jetë mëngjesin e 22 gushtit pas një plumbi në kokë, që nuk e lejoi të vijonte jetën. I punësuar si teknik kondicioneri, bashkë me shokun e tij, Lorenc Veliaj, Çelaj kryente punën e tij si teknik.
Ai kishte shkuar te biznesi i Bujar Kusit, babait të dy vëllezërve Albano dhe Griseldo, për instalimin e rrjetit të kondicionimit.
Por, pas një konflikti banal për rrjedhjen e ujit nga tubi i kondicionerit, Griseldo Kusi e qëlloi Çelajn me plumb në kokë duke i shkaktuar vdekjen. Së bashku me vëllain, Albanon dhe dy shokë, ata u munduan të fshehin dhe manipulojnë ngjarjen e rëndë.