Policia e Dibrës ka marrë në mbrojtje familjen e Fatjon Ketës, 22-vjeçarit që qëlloi për vdekje me thikë shokun e tij 21-vjeçar Arlind Pasha. Ky reagim vjen për të shmangur e parandaluar mundësinë e hakmarrjes së familjarëve të viktimës.
Pasi janë konfliktuar verbalisht, autori i dyshuar, ka nxjerrë thikën dhe më pas ka goditur Arlind Pashën. Ky i fundit ka humbur jetën rrugës për në spital.
Kur kanë kaluar disa orë nga vrasja e të riut, Policia e Bulqizës ka zbarkuar në terren duke marrë në mbrojtje shtëpinë e autorit të krimit, për të cilin thuhet se vuan nga probleme të shëndetit mendor.
