Lihen në burg dy të akuzuarit si autorë për vrasjen e vëllezërve Bilali. Gjykata e Shkodrës vendosi sot masën e sigurisë “arrest me burg” për Arsen Stojkun dhe Mislim Ramën, të akuzuar si bashkëpunëtorë të Licit. Këta të fundit kanë mohuar edhe sot akuzat ndaj tyre, si dhe kanë kërkuar masa lehtësuese.
Gjykata e Shkodrës u rrethua sot nga forca të shumta policie për çështje sigurie. Aktualisht, vijon operacioni për gjetjen dhe kapjen e dy shtetasve të shpallur në kërkim.
Sipas hetimeve intensive në drejtimin e Prokurorisë pranë Gjykatës së Shkallës së Parë Shkodër, rezulton se Stojku dhe Rama kanë planifikuar, organizuar dhe kryer në bashkëpunim vrasjen e Astrit dhe Ibrahim Bilalit.
