Kanë mbërritur në Gjykatën e Shkallës së Parë në Shkodër, tre të dyshuarit si bashkëpunëtorë në vrasjen e biznesmenit Ferdinand Polia, të cilët do të njihen ditën e sotme me masën e sigurisë.
Seanca, e cila kryesohet nga gjyqtari Andri Ymeri do të zhvillohet me dyer të mbyllura.
Tre të ndaluarit janë: Gilbert Toma, Kleandro Toma dhe Alfred Martini.
Kujtojmë që ata kanë mohuar akuzat ndaj tyre, duke thënë se nuk kanë asnjë lidhje me vrasjen e 32-vjeçarit.
Polia, u qëllua me breshëri plumbash, ndërkohë që ishte duke udhëtuar në automjet bashkë me punonjësin e servisit ku kishte dërguar makinën për riparim.
Në makinë bashkë me 32-vjeçarin e vrarë ndodhej dhe një prej punonjësve të servisit.
Nisur nga rrethanat e ngjarjes, Nard Polia nuk ruhej aspak, pasi ai nuk ka bërë asnjë veprim për t’u mbrojtur dhe gjithçka i ka ardhur në mënyrë të papritur. 32-vjeçari ka jetuar deri para 4 vitesh në Itali.
