Gazetari Artan Hoxha ka dhënë detaje në lidhje me vrasjen e 26-vjeçarit, Jurgen Kurti mbrëmjen e së hënës në Tiranë.
Nga emisioni “Opinion” ai tha ekzekutorët nuk kanë qenë të mirëpërgatitur dhe prej kohësh kanë studiuar terrenin. Sipas tij e vetmja kamerë që kanë në dorë autoritetet nuk ka kapur shumë detaje.
“Ekzekutorët nuk kanë qenë… mënyra si është kryer vrasja, vendi ku ka ndodhur ngjarja autorët e kanë studiuar mirë. E vetmja kamerë nuk ka dhënë ndonjë ndihmë të madhe për hetuesit. Viktima rinte shumë në zonë, që do të thotë se autorët e kanë studiuar mirë. E kanë goditur shumë pranë banesës, ajo rrugicë aty nuk është se ka trafik në atë orë.
Kanë kryer goditjen dhe janë larguar, ndaj e kanë bërë të vështirë të identifikohen se kush janë. Është gjetur një numër i madh gëzhojash aty. Jurgeni ka marrë një numër të madh plagësh dhe këtë ma ka konfirmuar edhe mjekësia ligjore kur jam interesuar”, deklaroi Hoxha. Sipas tij pistat janë të shumta nga për fajdet, për narkotik etj. /Opinion.al
