Bledar Jambelli është personi i dyshuar si urdhërues i vrasjes së kryekomisar Artan Cukut. Lajmin e bën me dije “News 24”.
Sipas të dhënave, kryekomisari i ndjerë Cuku, në dhjetor të vitit 2012 ka arrestuar shtetasin Bledar Jambelli.
Arrestimi i tij u krye për vrasjen e Armando Delajt, ngjarje e ndodhur në 2012. Së fundi mësohet se Jambelli është shpallur në kërkim ndërkombëtar nga Krimet e Rënda.
Ai mban edhe emrin Rikardo Muho. Nga hetimet ka rezultuar se Cuku u vra për shkak të detyrës dhe në burg për këtë ngjarje, i dyshuar si atentatori është shtetasi Mikel Shallari.
Dyshohet se Jamblelli ka kontraktuar Shallarin dhe e ka paguar për të bërë vrasjen. Si fillim Jambelli i dha Mikel Shallarit 3 mijë euro. Ndërkohë që pjesa tjetër e parave do t’i jepej pasi të përfundonte punën.
