Dy kufomat e të rinjve, Klement Pepajt dhe Vilson Çutajt janë gjetur të mbuluar me shkurre nga larg njëri-tjetrit në Malësi të Madhe. Trupat e tyre janë gjetur pas më shumë se 5 ditësh kërkime në zonë.
Ndërkohë që në kërkim është shpallur Daniel Pepaj, i cili dyshohet se është ekzekutori i dy të rinjve. Dyshohet se ai fshihet në shpellat e zonës malore, por nuk përjashtohet mundësia të jetë larguar në Mal të Zi.
Gazetari investigativ Artan Hoxha ka komentuar gjetjen e kufomave të Klement Pepajt dhe Vilson Çutajt në Vrith të Malësisë së Madhe. Me anë të një postimi në rrjetet sociale, Hoxha shkruan se me trupat e pajetë u vërtetua teza e tij për ngjarjen, se të rinjtë ishin ekzektuar për konflikte kanabisi.
Statusi
Ja pra qe paska patur
edhe krisma,
edhe viktima,
edhe parcela me kanabis,
edhe kanabis te grabitur,
edhe polici qe nuk gjente dot jo vetem parcelat me kanabis, por as kufomat e narkokultures..
Policise ju deshen 5 dite per te provuar ate qe e kam shkruar qe te dielen e kaluar.
Dhe sigurisht, ajo puna e “motivit te dobet” qe “rrodhi” nga burime policore, nje dite pasi publikova lajmin, besoj tashme eshte e qarte….
Motivi i krimit paska qene me “arome dehese” dhe “parcela te shendosha”…
Ngushellime familjareve, për jetet e humbura te dy djemeve te rinj…
Uroj qe kanabisi i ketij viti para zgjedhur, te mos shkaktoje me viktima njerezore.
Edhe pse nuk do t’i ndalojme dot parate e narkotrafikut, te blejne mandate deputetesh per parlamentin e ardhshem…
