Zgjedhjet parlamentare të 25 prillit u fituan nga Partia Socialiste e cila siguroi 74 mandate, ndërsa Partia Demokratike 59.
Lëvizja Socialiste pati një tkurrje të madhe, pasi siguroi vetëm 4 mandate, teksa Partia Social Demokrate e Tom Doshit, fitoi 3 vende për në Parlementin e ardhshëm.
Por, opozita nuk e njeh rezultatin e zgjedhjeve, pasi sipas saj ato u manipuluan dhe votat u blenë.
I ftuar në emisionin ”Opinon”, analisti dhe gazetari Baton Haxhiu u shpreh se problem nuk është vjedhja e votave, por ai mendon se të gjitha partitë blejnë vota.
Ai tha se partitë bëjnë marrëveshje me votuesit sikur të ishin klientë, ndaj dhe duhet rregulluar sistemi financiar prej nga ku sigurojnë lekët partitë.
Pjesë nga biseda:
Baton Haxhiu: Problemi nuk është se si i vodhi ai votat. Problem është se të gjitha partitë, përveç të voglave. Të gjitha blejnë vota.
Bujar Nishani: Jo, jo unë kam qenë në fushata.
Baton Haxhiu: Të gjitha pa përjashtim, është puna e tyre se si e bëjnë marrëveshjen me klientin. Nëse nuk rregullohet ajo që quhet sistemi financiar prej nga ku sigurojnë lekët partitë.
Blendi Fevziu: Urdhëro? Nga biznesmenët…
Baton Haxhiu: More le të jenë, t’i deklarojnë.
