Pas rrëzimit të dekretetit të Presidentit Ilir Meta, Kuvendi votoi ndryshimet në Kodin Zgjedhor.
Kreu i Grupit Parlamentar të PS, Taulant Balla në një prononcim për mediat, tha se Kuvendi i ka dhënë drejtim kësaj çështjeje sot.
Sipas tij, shqiptarët do të votojnë edhe për kandidatin për deputet në secilën nga listat, teksa shton se mazhoranca e mirëpret edhe tani opinionin e Komisionit të Venecias.
Taulant Balla: ”Kuvendi sot i ka dhënë udhë ndryshimeve në Kodin Zgjedhor, tani Shqipëria ka një Kushtetutë që i ka dhënë mundësi qytetarëve shqiptarë që në zgjedhje do të votohet jo vetëm për subjektin elektoral, por edhe për kandidatin në secilën prej listave. Unë mendoj se Kuvendi bëri zgjedhjen e duhur dhe të vetme për të mos ta future vendin në një spirale apo në një situatë kaosi ligjor, sepse mungesa e traspozimit të ndryshimeve kushtetuese në kodin zgjedhor do të krijonte një situatë të paqartë juridike për 25 prillin. Shpreh vlerësimin që ne gjithmonë si mazhorancë në Kuvend e kemi pritur dhe mirëpresim çdolloj opinion që vjen nga Venecia.”
