Kryebashkiakja e Shkodrës, Voltana Ademi ka bërë me dije se ka zhvilluar një bisedë telefonike me ministren e Shëndetësisë, Ogerta Manastirliu.
Përmes një postimi në Facebook, Ademi tregon se i ka përcjellë Manastirliut problematikat që shqetësojnë qytetarët e Shkodrës.
Gjithashtu ajo i ka dërguar edhe një letër Manastirliut, ku i kërkon informacion në lidhje me gjendjen nga koronavirusi në Shkodër.
Postimi i plotë:
Sot kam patur një bisedë telefonike me Ministren e Shëndetësisë Znj. Ogerta Manastirliu.
Në kuadër të bashkëpunimit për përballimin e situatës së shkaktuar nga pandemia COVID – 19, si kryetare e Bashkisë së Shkodrës, përfaqësuese e komunitetit, kam përcjellë problematikat që më janë referuar dhe që shqetësojnë qytetarët e Shkodrës.
Duke vlerësuar të domosdoshme marrjen e masave për përballimin e pasojave të pandemisë, transparenca dhe ndarja e informacionit me qytetarët është e rëndësishme.
I kam kërkuar Znj. Ministre informacionin mbi:
Numrin e personave që kanë telefonuar Urgjencën Kombëtare në numrin 127 që nga data 1 janar 2020, banues në Bashkinë Shkodër;
Numrin e personave që kanë telefonuar numrin 127, dhe që janë orientuar të qëndrojnë në shtëpi, me shenja të dyshuara të pandemisë;
Numrin e personave që kanë telefonuar numrin 127, dhe që janë orientuar sipas protokollit shëndetësor për analiza paraprake pas shqetësime që kanë patur, si të dyshuar me COVID-19:
- a) Drejt Spitalit Rajonal në Shkodër
- b) Drejt Spitalit Infektiv në Tiranë
Numrin e personave që kanë telefonuar numrin 127, që kanë kryer testimin e plotë për COVID – 19, në territorin e Bashkisë Shkodër;
Numrin e testeve në dispozicion të autoriteteve shëndetësore të Bashkisë Shkodër në datën 6 Prill, për rastet e dyshuara me COVID – 19;
Numrin e testeve që priten të vijnë pranë autoriteteve shëndetësore në Shkodër, në ditët në vijim, për realizimin e testimit të personave që dyshohen të jenë prekur nga COVID – 19;
