Kryetarja e Bashkisë Shkodër, Voltana Ademi iu është përgjigjur propozimeve të bëra nga kryeministri Edi Rama në sesionin e ri parlamentar, lidhur me disa ndryshime në ligj.
Kreu i Qeverisë ka paralajmëruar se për shkak të keqmenaxhimit, vija bregdetare do të menaxhohet nga pushteti qendror dhe jo ai lokal. Mirëpo, Ademi nuk dakordësohet me këtë propozim, por kërkon që edhe menaxhimi i liqeneve të bëhet nga Bashkia.
“Do të kemi propozime për ta mirëmbajtur ndryshe, jo nga agjencitë qeveritare, por që t’i kalojë pushtetit lokal. Është e vetmja mënyrë për të mbajtur të mundshëm për t’u shfrytëzuar si një aset territorial”, tha Ademi, teksa merrte pjesë në aktivitetin “Thriathlon labeat”. Një kompeticion tre-garësh në not, ciklizëm dhe vrapim, që prej 7 vitesh organizohet në ujërat e liqenit të Shkodrës, për promovimin e turizmit.
