Mëngjesin e sotëm, dy adoleshentë vodhën një filial të Postës Shqiptare në Babrru. Grabitja ka ndodhur rreth orës 09:15, ndërsa dy personat e paidentifikuar morën rreth 200.000 lekë, dhe më pas janë larguar me biçikleta. Të dy kanë hyrë brenda ambienteve, teksa kanë qenë të pajisur me kapuçë dhe shall në fytyrë.
Burimet bëjnë me dije se dy të rinjtë, nuk kanë qenë të armatosur. Ata kanë kërcënuar punonjësit që t’u jepnin para, me pretendimin që kishin armë. Por mësohet nga policia se pas kqyrjes së kamerave, janë konstatuar pa armë.
Nga ana e uniformave blu, po krihet zona për të bërë të mundur kapjen e tyre.
