E mërkurë, 22 Shtator, 2021
14.5 C
Tirana

Vodafone, nga të parat kompani në botë me politikë përkrahëse për punonjësit e prekur nga dhuna në familje

Në Ditën Ndërkombëtare të Gruas, Vodafone Albania prezanton për herë të parë në Shqipëri një politikë që përfshin përkrahjen dhe mbështetjen e punonjësve të prekur nga dhuna në familje, duke u bërë pjesë e fushatës së Vodafone Group kundër dhunës dhe abuzimit në familje.

37% e punonjësve të industrive të ndryshme janë prekur nga dhuna në familje. Ky është një nga rezultatet e studimit që Vodafone Foundation ka ndërmarrë në bashkëpunim me qendrën “Opinium” në Mbretërinë e Bashkuar. Studimi përfshiu 4,712 gra, vajza, djem dhe burra nga 9 vende të botës.

Midis të tjerave, nga studimi rezultoi se 67% e atyre që kanë përjetuar dhunë, shprehen se kjo gjë ka prekur progresin e tyre në karrierë dhe 51% prej tyre shprehen se nuk ndihen komodë për ta diskutuar këtë gjë në mjedisin e punës. Megjithatë, 53%, e atyre që e kanë diskutuar me kolegët, thanë se ishin ndjerë më mirë.

Nisur nga ky studim, por edhe në vijim të angazhimit ndaj punonjësve dhe komunitetit ku operon, Vodafone ka prezantuar politikën e re të Menaxhimit të Burimeve Njerëzore që fokusohet pikërisht tek dhuna në familje. Të gjithë punonjësve, në 25 vendet ku Vodafone operon, përfshirë Shqipërinë, do t’u ofrohet mundësia që të marrin mbështetje dhe këshillim të dedikuar. Njëkohësisht, atyre do t’u jepen 10 ditë leje të paguara si dhe leje “ekstra” për të ndjekur seancat gjyqësore, ose për të qëndruar pranë fëmijëve të tyre.

Pjesë e politikës është dhe trajnimi i specializuar që do të marrin menaxherët e burimeve njerëzore në mënyrë që të fitojnë aftësitë për të mbështetur viktimat e dhunës në familje si dhe për t’i nxitur ata të raportojnë.

Prezantimi i kësaj politike të re e rendit Vodafone si një nga kompanitë e para në nivel global që i dedikon një politikë përkrahëse këtij fenomeni social, që edhe në vendin tonë kap shifra të konsiderueshme të prekurish.

Me anë të kësaj fushatë që nuk do të ndalet vetëm me politikat përkrahëse për viktimat e dhunës në familje, Vodafone synon të rrisë ndërgjegjësimin publik mbi rëndësinë e barazisë gjinore, mosdiskriminimit, mbrojtjes dhe respektit për dinjitetin, të drejtat dhe liritë e njeriut si dhe ofrimin e mundësive të barabarta në karrierë për këdo, pavarësisht gjinisë, rracës, bindjeve, preferencave apo orientimit seksual.

Vodafone ka bindjen se fuqizimi i gruas dhe promovimi i barazisë gjinore i jep mundësinë komunitetit,  ekonomisë dhe bizneseve të zhvillohen. Për këtë arsye, barazia gjinore dhe mundësitë e barabarta janë thelbësore në politikat e burimeve njerëzore në Vodafone.  Kjo iniciativë i shtohet listës së gjatë të iniciativave dhe programeve që Vodafone ia dedikon fuqizimit të grave dhe promovimit të barazise gjinore. Programe si Reconnect, Code like a Girl, Politika e Lejes së Lindjes, etj. janë shembull i angazhimit të Vodafone në komunitetet ku operon.

- Reklama -

Më shumë nga kategoria




Të fundit

Për një parlamentarizëm antimafie, antikorrupsion

Nga: Pëllumb Nako Parlamenti filloi punimet nën një normalitet absolut. Sigurisht, u krijuan edhe komisionet përkatëse, të njëjtë si të viteve e dekadave më parë....

Alternime kthjellimesh dhe vranësira. Nesër priten teshje shiu të izoluara

Ditën e merkurë, vendi ynë pritet të jetë nën ndikimin e masave ajrore relativisht të paqëndrueshme. Moti parashikohet me alternime kthjellimesh dhe vranësira. Reshje shiu...

Artan Hoxha: Mund të arrestohen ish-kryeministra e ish-presidentë

Ambasadorja e SHBA-së në Tiranë Yuri Kim ka zhvilluar së fundmi një takim me 15 prokurorët e SPAK, ku ka përçuar mesazhe të rëndësishme....

Lajçak i shqetësuar për situatën në veri të Kosovës

Përfaqësuesi i BE për dialogun Kosovë-Serbi, Miroslav Lajçak, ka thënë se ka njoftuar vendet e BE-së për situatën në veri të Kosovës. Me anë...

Kurti takim me ambasadorët e QUINT-it, zbulon vendimin e fundit

Kryeministri Albin Kurti ka pritur sot në takim ambasadorët e vendeve të QUINT-it, ku është diskutuar lidhur me reciprocitetin e targave me Serbinë. Kurti...