Një magazinë është përfshirë nga flakët në qytetin e Vlorës. Ngjarja është shënuar në lagjen “15 Tetori” pak çaste më parë. Nga të dhënat e para mësohet se policia dhe grupi i zjarrfikësve kanë mbërritur në vendngjarje duke bërë të mundur shuarjen e flakëve.
Sakaq, mendohet se shkak për flakët është bërë një shkëndijë elektrike, ndërsa magazina ishte në pronësi të shtetasit me iniciale G.XH, të cilën e përdorte për të mbajtur mallra ushqimore.
Blutë e qytetit bregdetar janë në vendngjarje dhe po punojnë intensivisht për identifikimin zyrtar të shkaqeve. Fatmirësisht nga zjarri nuk ka patur të lënduar në njerëz, por vetëm dëme materiale.
