Policia e Vlorës zhvilloi një operacion kundër kultivimit të bimëve narkotike të koduar “SHADOW”.
Nga operacioni u sekuestruan dhe asgjësuan 339 bimë narkotike, u sekuestrua 37 kg e 700 gr lëndë narkotike të dyshuara të llojit Cannabis Sattiva si dhe gjithashtu u bllokua një automjet.
Droga u gjet në 9 parcela në fshatin Lapardha, në tokë publike të pyllëzuar pranë vendit të quajtur “Hija e madhe”, me gjatësi 20 cm deri në 100 cm, të cilat u asgjësuan me anë të djegies me zjarr.
Në lidhje me këtë ngjarje, policia ka proceduar penalisht 4 shtetasit; F.H., 63 vjeç, banues në fshatin Gumenicë, me detyrë: Kryetar i Njësisë Administrative Kotë, A.C., 53 vjeç, banues në fshatin Lapardha, me detyrë: Kryeplak i fshatit Lapardha, M.H., 52 vjeç, banues në fshatin Drashovicë, me detyrë: Inspektor i Pyjeve në Njësinë Administrative Kotë, B.D., 51 vjeç, banues në fshatin Mavrovë, me detyrë: Përgjegjës i Inspektorëve të Pyjeve në Bashkinë Selenicë, për veprat penale “Shpërdorimi i detyrës” dhe “Moskallëzimi i krimit”.
Gjithashtu, në vijim të këtij operacioni, u gjet një mjetin tip “Fiat Panda” me targë AA 369 MK i braktis nga drejtuesi i tij. Brenda mjetit është gjetur një sasi me lëndë narkotike e vendosur në 7 paketime të përmasave të ndryshme dhe të mbështjella me natriban transparent, e cila pas peshimit ka rezultuar me peshë totale prej 37 kilogramë e 700 gramë, e dyshuar e llojit Cannabis Sattiva e cila u sekuestrua në cilësinë e provës materiale.
Policia dyshon se në këtë ngjarje janë përfshirë shtetasit; A.I., 26 vjeç, banues në Vlorë, B.A., 30 vjeç, banues në Kaninë, të shpallur në kërkim për veprën penale “Prodhimi dhe shitja e narkotikëve, kryer në bashkëpunim”.
