Një aksident ka ndodhur pasditen e sotme në qytetin e Vlorës. Mësohet se një automjet nuk ndaloi gjatë postbllokut të policisë, dhe shoferi, në tentativë për t’i shpëtuar ndjekjes nga uniformat blu, është përplasur me një tjetër automjet.
Për shkak të përplasjes së fuqishme, makina e cila ishte vënë në ndjekje nga policia, është përmbysur në rrugë.
Sipas informacioneve paraprake, raportohet se kanë mbetur të plagosur dy persona, njëri prej tyre në gjendje të rëndë, teksa ngjarja ka ndodhur në në lagjen “10 korriku”, të qytetit bregdetar.
Nuk dihen ende shkaqet e kësaj ngjarjeje dhe identiteti i personave të plagosur, teksa ende pritet një njoftim zyrtar nga Policia e Vlorës lidhur me ngjarjen e ndodhur.
