Policia ka bllokuar qarkullimin e automjeteve dhe të këmbësorëve në një rrugë në lagjen “10 korriku” në Vlorë. Dyshohet për lëndë plasëse në mes të rrugës, ndërsa policia ka vendosur një perimetër të gjerë sigurie.
Lënda plasëse është konstatuar në aksin e Unazës, rruga që dublon Lungomaren dhe dyshohet se mund të jetë shkëputur gjatë ecjes nga ndonjë automjet.
Policia ka bllokuar menjëherë rrugën ndërsa ka nisur hetimet për zbardhjen e ngjarjes. Në këtë zonë forcat e policisë janë ende në pritje të forcave xhenierë të cilët do të bëjnë vlerësimin sasisë së dyshuar si lëndë plasëse dhe demontimin e saj.
