Policia e Vlorës ka arrestuar një 35-vjeçare me inicialet A. Ç., pasi një ditë më parë ka ushtruar dhunë fizike, ka përndjekur ish-bashkëjetuesin e saj dhe i ka thyer atij telefonin.
Ajo i ka kryer këto veprime, në kundërshtim me vendimin e gjykatës. Lidhur me këtë rast, materialet hetimore iu referuan Prokurorisë, për veprime të mëtejshme.
“Po nga specialistët për Hetimin e Krimit në Komisariatin e Policisë Vlorë, është arrestuar në flagrancë shtetasja A. Ç., 35 vjeçe, banuese në Vlorë, pasi në datën 26.10.2020, ka kryer veprime në kundërshtim me vendimin e gjykatës, ka ushtruar dhunë fizike, ka përndjekur ish-bashkëjetuesin e saj dhe i ka thyer atij telefonin. Materialet iu referuan Prokurorisë, për veprime të mëtejshme”, njofton policia.
