E enjte, 20 Janar, 2022
10.5 C
Tirana

Eh, sikur të ndodhte vërtet kështu

Nga: Mentor Kikia

Kjo ftesë për ofertë, për një drekë, është thjeshtë një burokraci administrative. Shtetit i duhen tendera edhe për të blerë një stilolaps. Pale për një drekë, ku askush nuk është i shqetësuar të shikojë çmimet në menu. Padyshim që kjo nuk është një aferë korruptive, derisa parashikohet në procedura. Por në këto kohë të vështira, padyshim që është një “aferë” morale.

Këshilli Mbikqyrës i AAC, ashtu si shumë këshilla entesh të tjera shtetërore, shpesh thjeshtë honorifikë, përbëhet nga zyrtarë që mbajnë poste të larta në administratë ose në sipërmarrje private. Ata paguhen mirë, edhe si anëtarë të këtij këshilli.

Sa herë mblidhen, ata kalojnë edhe drekën bashkë dhe faturën e paguan AAC. Moralisht s’më duket e drejtë, pasi ata paguhen për këtë punë.

Por, a mund ta refuzonte Autoriteti këtë drekë? Po këta zotrinjtë, a mund të refuzonin këtë drekë?

Po kërkoj tepër, apo jo?

E kush do ta refuzonte një drekë, ku askush nuk pyet për faturën?

Po, edhe mund ta refuzojnë. Se pari ata që paguajnë faturën mund ta bënin. Së dyti, edhe anëtarët e këshillit mund ta bënin. Ju them vetëm një arsye.

A nuk mund t’ia dedikonin këtë drekë të bollshme fëmijëve të familjeve të naftëtarëve që janë në grevë urie, sepse nuk kanë marrë pagat prej muajsh?

E di që do të thoni se kjo nuk zgjidh gjë, dhe vërtet që nuk zgjidh asgjë. Por, aq sa kanë nëvoje familjet e të papunëve për ushqim, aq ka nevojë edhe shoqëria jonë për modele qytetarie dhe humanizmi.

Dhe mbi të gjitha, kjo menu e porositur paraprakisht, është një hipokrizi e madhe ndaj njerëzve që luftojnë për bukën e gojës.

 

- Reklama -

Më shumë nga kategoria




Të fundit

Basha pritet me protesta në Laç, ndërhyn menjëherë policia

Kreu i PD-së, Lulzim Basha, është pritur me protesta në qytetin e Laçit. Simpatizantë të Partisë Demokratike që nuk janë dakord me të, kanë...

Meta ia merr këngës me Bujar Qamilin në Shkodër (VIDEO)

Për pak çaste, kreu i shtetit ka harruar zhvillimet politike, duke iu dedikuar pak vetes. Presidenti Meta ia ka marrë këngës me këngëtarin e...

Përplasja te “5 Maji”, Rama: E mira e përbashkët nuk merret peng nga askush

Dje nisi aksioni për shembjen e banesave në lagjen “5 maji” në Tiranë. Forcat policore rrethuan zonën, pasi një pjesë e banorëve kundërshtuan shembjen...

Donaldi shpallet banori më i padëshiruar në “Big Brother” (VIDEO)

Dje në "Big Brother Vip", banorët zhvilluan një spektakël, ku secili rrëmbeu nga një çmim. Pas spektaklit, Egzona si moderatore i ndau çmimet, ku...

Shpërthimi në Tonga, 500 herë më i fuqishëm se bomba atomike e Hiroshimës

Kombi i vogël ishullor i Tongës humbi një nga ishujt e tij më të vegjël, pasi një shpërthim gjigant vullkanik copëtoi tokën në copa...