Një ngjarje e rëndë ka ndodhur në orët e para të ditës së sotme në qytetin e Vlorës. Një shpërthim i fortë tritoli në lagjen “Kushtrim” ka krijuar panik te banorët. Lënda plasëse ka shpërthyer në pjesën e jashtme të banesës së shtetasit J.D. Sipas informacioneve të policisë nga shpërthimi nuk ka pasur persona të lënduar por vetëm dëme materiale.
NJOFTIMI I POLICISË:
Vlorë, paraprake: Rreth orës 03:00 të mëngjesit të sotëm, në lagjen “Kushtrimi” Vlorë, konkretisht në pjesën e jashtme të banesës së shtetasit J.D., dyshohet se ka shpërthyer një sasi lënde plasëse. Si pasojë ka shkaktuar vetëm dëme materiale. Grupi hetimor po punon për sqarimin e rrethanave dhe zbardhjen e ngjarjes.
