Pas përfundimit të seancës së Kuvendit të Kosovës ku u votua qeveria Hoti, Vjosa Osmani tha se kjo qeveri nuk përfaqëson vullnetin qytetar
“Në radhë të parë një qeveri, e cila në tërësi varet nga votat e Listës Serbe, do të thotë nga Beogradi, dhe së cilës votën e 61 ia siguroi presidenti Thaçi në kundërshtim me rolin e tij kushtetues asnjëherë nuk mund të jetë përfaqësuese e vullnetit qytetar”, tha ajo.
Osmani nuk e sqaroi nëse do të vazhdojë të mbajë pozitën e kryetares së Kuvendit të Kosovës. Ajo shtoi se ishte në favor të formimit të një qeverie teknike me mandat gjashtë deri në nëntë muaj dhe shkuarje të vendit në zgjedhje pas pandemisë së koronavirusit.
Qeveria Hoti u votua sot në Kuvendin e Kosovës me 61 vota për 24 kundër dhe një abstenim.
