Dy persona në Himarë dhe një tjetër në Sarandë kanë rënë në prangat e policisë, pasi akuzohen për vjedhje dhe posedim të lëndëve narkotike.
Policia e Himarës ka arrestuar shtetasit A.O dhe R.B (15 dhe 18 vjeç) banues në Librazhd, të cilët u kapën gjatë natës duke vjedhur një market në Himarë. Gjatë kontrollit, 15-vjeçarit iu gjetën në trup 3 doza lëndë narkotike.
Ndërsa, Policia e Sarandës ka arrestuar në flagrancë Ll.I., 19 vjeç, banues në Sarandë, të cilit iu sekuestruan 7 doza lëndë narkotike.
Materialet iu referuan Prokurorive përkatëse për veprat penale “Vjedhje në bashkëpunim” dhe “Prodhimi dhe shitja e narkotikëve”.
