Studentët u rikthyen sot në auditore, por me disa kushte të cilat janë bërë publike pak ditë më parë nga rektori i Universitetit të Tiranës, Artan Hoxha. Asnjë student i pavaksinuar apo që nuk është i pajisur me tampon negativ, nuk do të lejohet të hyjë në auditore.
Studentët e pavaksinuar nuk lejohen të hyjnë në Fakultetin e Shkencave të Natyrës, dhe kjo ka sjellë përplasje mes tyre dhe punonjësve të sigurisë, të cilët kanë thërritur në ndihmë dhe efektivët e policisë.
Studentët në të gjithë Shqipërinë duhet të jenë të vaksinuar, ose të paraqesin testin PCR në mënyrë që të futen brenda auditoreve. Kjo ka shkaktuar revoltë te studentët, që nuk janë vaksinuar. Ata kanë paralajmëruar protestë ditën e sotme në orën 10:00 te sheshi “Nënë Tereza”, dhe përballë Ministrisë së Arsimit, kundër vendimit të marrë.
