Mjeku Pjerin Xhuvani ka qenë një ish-eksponent i Lëvizjes Socialist për Integrim në Elbasan. Ai ka mbajtur postin e kryetarit të LSI-së në Elbasan, ndërkohë që pas shkarkimit nga ky funksion, Pjerin Xhuvani ka kaluar me Partinë Drejtësi Integrim dhe Unitet.
Ndërkohë që Pjerin Xhuvani ka mbajtur dhe postin e drejtorit të Fondit Fondit Rajonal të Kujdesit Shëndetësor! Ai është hetuar në vitin 2015 për abuzimin me recetat e barnave sëbashku me 9 zyrtarë të tjerë.
Ndërkohë që sëfundmi, Partia Demokratike e ka akuzuar atë se është përfshirë në fushatën elektorale të Partisë Socialiste.
Viti 2015
Prokuroria e Tiranës ka mbyllur dosjen e hetimit dhe ka dërguar në gjyq 9 persona, ndër të cilët zyrtarë të Fondit Rajonal të Kujdesit Shëndetësor Tiranë dhe drejtues farmacish, të përfshirë në një skemë mashtruese financiare me rimbursimin e medikamenteve, nga e cila i është shkaktuar shtetit dëm rreth 56 milionë lekë të reja.
Nga hetimet e Prokurorisë rezulton se në krye të kësaj skeme qëndrojnë shtetasi Hysni Roçi, pronar i disa farmacive në kryeqytet, si edhe ish-drejtori rajonal i Fondit, Pjerin Xhuvani.
Këta dy shtetas, në pozicionet e tyre, kanë përfshirë në veprimtari të paligjshme edhe shtatë shtetas të tjerë, përkatësisht 4 drejtues teknik farmacish dhe 3 punonjës të Fondit rajonal të Tiranës.
Në përfundim të hetimeve për këtë rast, nga i cili kanë rrjedhur edhe disa hetime të tjera në zhvillim, Prokuroria e Tiranës ka ngritur akuza për personat si më poshtë:
1. Hysni Roçi, pronar farmacish, hetuar me masë sigurimi “arrest në burg”, akuzuar për veprën penale “Mashtrimi”
2. Pjerin Xhuvani, ish-drejtor i Fondit Rajonal të Kujdesit Shëndetësor, hetuar fillimisht me masë sigurimi “arrest në burg”, ndryshuar nga Gjykata e Apelit në “arrest në shtëpi”, akuzuar për veprën penale të “Shpërdorimit të detyrës” të kryer në bashkëpunim;
3. Edlira Mara, zyrtare e Fondit Rajonal të Kujdesit Shëndetësor, hetuar me masën e sigurimit “arrest në shtëpi”, akuzuar për veprën të “Shpërdorimit të detyrës” të kryer në bashkëpunim dhe “fallsifikimit të dokumentave”;
4. Frida Lamçe, zyrtare e Fondit Rajonal të Kujdesit Shëndetësor, hetuar me masën e sigurimit “arrest në shtëpi”, akuzuar për veprën të “fallsifikimit të dokumentave”;
5. Fatbardh Budo, zyrtare e Fondit Rajonal të Kujdesit Shëndetësor, akuzuar për veprën të “fallsifikimit të dokument…. /panorama.al/
