Vitamina B2 njihet si “riboflavinë”. Është e tretshme në ujë dhe duhet të konsumohet sa më shpesh pasi nuk ruhet në trup. Ajo tretet dhe pjesa e tepërt del jashtë trupit.
Lehtëson energjinë në formën e ATP-së. Konverton karbohidratet komplekse në sheqerna të thjeshta të cilat mund të përdoren nga organet për mirëfunksionimin e tyre. Luan rol të rëndësishëm në transportin e elektroneve dhe është përgjegjëse për prodhimin dhe lirimin e energjisë. Gjithashtu është përgjegjëse për përpunimin e vajrave, yndyrave dhe aminoacideve.
Disa nga burimet më të rëndësishme të vitaminës B2 janë:
- Produktet e qumështit si gjizë, gjalpë, kos, djathë etj.
- Sojë e pjekur
- Mish
- Oriz
- Avokado
- Salmon
- Brokoli
- Kërpudha
Të gjitha ushqimet e mësipërme përmbajnë gjurmë sasish të riboflavinës. Mungesa e vitaminës B2 pengon metabolizmin e proteinave, yndyrave dhe karbohidrateve sikurse nevojitet për të realizuar proceset e tyre. Disa nga simptomat më të zakonshme të mungesës së vitaminës B2 janë: lodhje, sytë e gjakosur me një ndjesi të vazhdueshme djegieje, ndjeshmëri të lartë ndaj dritës, buzët e prera dhe gjuhë e lënduar. Në disa raste mungesa e vitaminës B mund të çojë në anemi dhe lodhje kronike.
Parandalon migrenën: Mjekët japin doza ditore deri në 400 mg në ditë për pacientët që vuajnë nga migrena e shpeshtë. Mekanizmi i saj është ende nën kërkime studimore. Megjithatë, ajo është efektive.
Mbron sytë: Vitamina B2 është e njohur për mbrojtjen e syve. Ajo parandalon kataraktet dhe glaukomën. Njerëzit që vuajnë nga katarakti përdorin disa pika me bazë vitaminë B2 që depërtojnë në korne dhe e forcojnë atë.
Trajton dhe parandalon aneminë: Anemia mund të vijë për shkak të faktorëve të ndryshëm, të cilët kanë ulur prodhimin e qelizave të gjakut. Meqenëse vitamina B2 është e përfshirë në të gjitha këto aktivitete, kur merret në sasi të duhur ndihmon në parandalimin e anemisë ose trajtimin e saj.
Ruan nivelet e energjisë: Vitamina B2 luan një rol të madh në ruajtjen dhe rregullimin e metabolizmit në trup. Kur ka metabolizëm të vazhdueshëm, energjia e tepërt konvertohet në glikogjen dhe ruhet në trup. Kjo ndodh për shkak të riboflavinës.
Mbron lëkurën dhe flokët: Vitamina B2 ndihmon në ruajtjen e shëndetit të lëkurës dhe flokëve. Kolagjeni është një komponent i rëndësishëm dhe riboflavina është përgjegjëse për prodhimin e tij.
Këto janë përfitimet shëndetësore të vitaminës B2. Kur merret çdo ditë në sasinë e duhur, mund të ndihmojë në ruajtjen e shëndetit të personit. Ushqimi i duhur do tju sigurojë marrjen e dozës suaj të përditshme të Vitaminës B2. (TIRANA TODAY)
