Tri lëkundje tërmeti janë regjistruar para mesnatës dhe në orët e para të mëngjesit të sotëm në zonën e Detit Adriatik, në Thumanë dhe në Korçë.
Tërmeti i fundit ka qenë i lehtë, 1.4 rihter, e ndërsa epiqendra ka qenë Korça. Ai para tij ka qenë 2.4 në Thumanë, Krujë. Para mesnates ka qenë më i fortë, 3.1 rihter në zonën e detit Adriatik, tek Gjiri i Lalzit.
Këto tërmete vijnë në një kohë kur e gjithë bota është e izoluar për shkak të koronavirusit vdekjeprurës.
Numri i personave të infektuar në botë ka shkuar në 1.853.496, ndërkohë janë shënuar 114.256 viktma. Ndërsa, 423.724 të tjerë kanë fituar betejën me COVID-19.
Amerika zë vendin e parë në botë për numrin e viktimave dhe të infektuarve. COVID-19 është një kërcënim edhe për Europën. Virusi po ‘bën kërdinë’ në Itali, pasi atje numri i viktimave ka shkuar në 19.899, dhe të infektuar janë 156.363 persona. Spanja zë vendin e tretë në botë për numrin e viktimave dhe të infektuarve.
