Për shkak të përhapjes së rrezikshme të “coronavirusit”, ambasadori i Shqipërisë në Kinë, Selim Belortaja, u ka drejtuar një thirrje të fortë të gjithë shqiptarëve që të anulojnë vizitat me Kinën. Teksa ka ndarë me ndjekësit e tij një foto në Facebook, duke demostruar situatën e rëndë, ai iu rikujton shqiptarëve se duhet të informohen para se të marrin një rrisk.
“Të dashur miq e bashkëkombës kudo ku jeni. Siç e dini Kina po kalon një situate dramatike. Coronavirusi jo vetëm po merr jetë njerëzish por për shkak të potencialit të një rreziku në përmasa që mund të imagjinohen, po shtrëngon autoritetet të zbatojnë masa super të rrepta për frenimin e epidemisë, si mbyllje e transportit, superkontroll i lëvizjes se njerëzve, anulim i festimeve e grumbullimeve, si dhe disa shërbimeve publike në disa qytete, tashmë edhe përtej provincës Hubei dhe kryeqendrës Ëuhan ku virusi shpërtheu dhe beteja është përqendruar.
Numri faktik i vdekjeve nuk e shfaq mirë potencialin e rrezikut që është pranuar edhe nga OBSh dhe që potencialisht mund të agravojë në ditët në vijim. Autoritetet dhe mjekësia këtu po punojnë heroikisht.
Këshilloj fort që derisa situata të merret plotësisht nën kontroll, udhëtimet dhe kontaktet fizike me Kinën ti shtyni për më vonë! Ju lutem informohuni sa më mirë e binduni vetë para se ti hyni një situate me shume rrezik nga virusi por edhe të papritur për shkak te kontrolleve te pazakonshme”, përfundon ai.
Në Kinë ndodhen edhe shumë shtetas nga Shqipëria, të cilët punojnë atje prej vitesh.
