Në sallën e Kuvendit ka pasur një konflikt verbal mes dy deputetëve të Partisë Demokratike, Edmond Spaho dhe Gazment Bardhi. Deputeti i PD-së, Tritan Shehu ka reaguar pas deklaratave të kolegut të tij Gazment Bardhi, që akuzoi pa emër konkret një nga ish-ministrat demokrat se ka një vilë me vlerë 760 mijë euro dhe e akuzoi “peng të Ramës”.
Statusi
Inskenime te pista, perverse te Gaz Bardhit!
Eshte veper anti ligjore, pervecse ndesh dhe me cdo norme morali, transparence, “burrerie”, te perhapesh aludime e meskinitete per koleget ne publik e media.
Kete po ben dhe Gazi prej disa ditesh, duke arritur kulmin mbreme, kur ngushton rethin e te “akuzuarve” prej tij ne 3-5 deputete, perfshi dhe mua.
Dhe kete e ben nje deputet, ish minister i drejtesise, pseudo jurist ne fakt ai.
Me kete rast desheroj t’i kujtoj ketij individi, pa as minimumin e personalitetit dhe integritetit se:
1-Eshte detyrim ligjor per cdo qytetar, vecanerisht deputet, te denoncoje ne organet perkatese cdo veper kriminale qe di, dhe mos ta perdore per te hedhur aludime dyshuese, shpifjeje per koleget.
Ne rast se realisht ai di nje veper te tille, sic deklaron dhe nuk e denoncon, akuzohet per fshehje nje krimi, gje per te cilen duhet thirrur nga organet e drejtesise e denuar ligjerisht.
2- Ndersa ne lidhje me pergjegjesite morale e me gjere te tij per shpifje, genjeshtra etj, besoj se nuk ka ndonje aresye per te humbur kohe duke ja kerkuar.
Ato mund t’i kerkohen vetem dikujt qe ka ndonje vlere morale, gje qe sic duket te Gazi mungojne krejtesisht. Nje akti turpshem e pervers ky i ketij “burreci”!
Gazment Bardhi nuk tërhiqet nga akuzat që ka bërë ndaj një prej katër ish-ministrave të Partisë Demokratike që sot janë pjesë e Grupit të Rithemelimit. Pas sherrit të fortë që pati sot në Kuvend me Edmond Spahon, Bardhi ka bërë një status në rrjetet sociale ku shkruan me humor se çmimi i vilës është ulur. Sipas fotos që ka publikuar deputeti i PD-së, vila tashmë kushton 670 mijë euro.
E rëndësishme është që për shkak “të publicitetit” çmimi i vilës është ulur ?? pic.twitter.com/AMCActkkB7
— Gazment Bardhi (@GazmentBardhi) May 12, 2022
