Italia është shteti që po vuan më shumë pasojat e koronavirusit, teksa deri më tani janë regjistruar mbi 6 mijë viktima.
I gjithë vendi ndodhet nën izolim dhe fluturimet hyrëse apo dalëse janë mbyllur.
Mirëpo në këto kohë të vështira për vendin, sipërmarrësi italian Giovanni Rana, i cili zotëron kompanitë për prodhimin e makaronave të freskëta , ka dalë me një plan për rritjen e rrogave të punëtorëve të tij.
Rana është shprehur se punonjësit e tij po sakrifikohen për të dalë në punë në këto ditë, ku pandemia ka arritur kulmin e saj në vend.
Sipas mediave italiane, ai do japë 2 milionë euro për rritjen e rrogave në total, në formë mirënjohjeje për 700 punonjësit e 5 fabrikave që ai zotëron.
Rroga e çdo punonjësi do të rritet me 25% për këtë periudhe, si dhe do të kenë edhe një bonus prej 400 eurosh për shpenzimet e dadove të fëmijëve.
