Vijon me të njëjtat ritme shqetësuese situata me pandeminë në Kosovë. Gjatë 24 orëve të fundit janë shënuar 609 raste të reja dhe 13 persona nuk ia kanë dalë dot mbanë me virusin vdekjeprurës.
Gjatë 24 orëve të fundit janë testuar 1.590 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 609 raste pozitive. Brenda 24 orëve janë raportuar 13 raste të vdekjes me SARS CoV-2 pozitiv.
Në 24 orët e fundit janë shëruar 350 pacientë, ndërsa numri i përgjithshëm i të shëruarve deri më sot është 21.746 raste, kurse numri i rasteve aktive është 12.864.
