Vijojnë replikat për testet e koronavirusit mes Partisë Demokratike dhe kryeministrit Edi Rama.
PD insiston se duhet rritur numri i testeve për COVID-19 në Shqipëri.
Reagimi i fundit ka ardhur nga Sekretari i Përgjithshëm i Partisë Demokratike, Gazment Bardhi i cili i drejtohet kryeministrit Rama me fjalët e ish-kryeministrit britanik Tony Blair.
“Edi Rama dëgjoje edhe Toni Blair: “Gjithçka lidhet me rritjen sa më shpejt të numrit të testimeve. Na duhet të dimë se kush e ka sëmundjen apo kush e ka kaluar. Në mënyrë që t’i japim fund bllokimit dhe t’i kthejmë njerëzit në punët e tyre. Të kthejmë pak normalitet në jetët tona të përditshme.”
Edi Rama mos e fshih mungesën e përgatitjeve dhe të kiteve testuese, pas një ekipi mjekësh dhe specialistësh që kanë sakrifikuar edhe shëndetin e tyre duke u infektuar vetë nga virusi.
Koha nuk pret. Nga testimet varet identifikimi i personave të infektuar, shkëputja e zinxhirit të transmetimit e më pas çlirimi i ekonomisë dhe tejkalimi i kësaj krize”, shkruan Bardhi.
