E martë, 23 Shkurt, 2021
1 C
Tirana

Vijojnë protestat në SHBA

Protestuesit që kërkojnë t’i japin fund padrejtësisë racore pas vdekjes së një burri afrikano-amerikan ndërsa ishte ndaluar nga policia, do të dalin në rrugët e Uashingtonit për fundjavën e tretë me radhë.

Në Uashington, Departamenti i Policisë Metropolitane i Distriktit të Kolumbias tha të enjten se “demonstrime të shumta të Amendamentit të Parë” ishin caktuar për të shtunën dhe të dielën.

Zyrtarët thanë se nuk dinë sa protestues do të marrin pjesë, duke vërejtur se demonstratat nuk janë planifikuar nga një organizator kryesor.

Protestat që kërkuan drejtësi dhe reformim të sistemit shpërthyen në të gjithë Shtetet e Bashkuara pasi George Floyd vdiq në 25 Maj kur oficeri i bardhë Derek Chauvin i vendosi gjurin në qafë për gati nëntë minuta, ndërsa Floyd përgjërohej se nuk mund të merrte frymë, një nga vdekjet e shumta kjo në vitet e fundit, gjatë takimeve me policinë ose pas tyre.

Demonstratat u përhapën shpejt në qytete të mëdha në të gjithë botën, përfshirë Londrën, Parisin dhe Sidnein.

Të shtunën e kaluar (6 Qershor), mijëra njerëz protestuan në rrugët e Uashingtonit kundër brutalitetit të policisë, demonstrata më e madhe në kryeqytetin amerikan që nga vdekja e Floyd-it.

Zyrtarët thanë që shumë rrugë në qendër të Uashingtonit, përfshirë ato rreth Shtëpisë së Bardhë dhe Shëtitores Kombëtare, do të mbyllen me ndërprerje të shtunën dhe gjatë gjithë ditës së dielë.

Familja e Floyd-id dhe udhëheqësi amerikan i të drejtave civile, Pastori Al Sharpton thanë në një kërkesë për leje të paraqitur kohët e fundit pranë Shërbimit Kombëtar të Parqeve se ishin duke planifikuar një demonstrim të madh për reformimin e drejtësisë penale në Uashington në fund të gushtit në 57 vjetorin e Marshimit drejt Uashingtonit.

Lexo edhe :   Shtetet e Bashkuara fillojnë bisedimet për lirimin e pengjeve nga Irani

Marshimi historik drejt Uashingtonit për Punë dhe Liri ndodhi në 28 gusht 1963, duke tërhequr midis 200’000 dhe 300’000 njerëzve.

Lexo edhe :   SHBA/ Masa të reja për sigurinë kibernetike pas ndërhyrjes së hakerëve rusë

Marshimi prezantoi fjalimin e famshëm “Unë kam një ëndërr”, të Dr. Martin Luther King Jr në Memorialin e Linkolnit, gjatë të cilit ai tha: “Nuk do të ketë as pushim dhe as qetësi në Amerikë derisa afrikano-amerikanit t’i jepen të drejtat e tij të shtetësisë. Vorbullat e revoltës do të vazhdojnë të shkundin themelet e kombit tonë derisa të shfaqen ditët e ndritshme të drejtësisë”. /Voa

- Reklama -

Më shumë nga kategoria




Të fundit

Mediu i jep fund dyshimeve: Marëveshja me Bashën do bëhet

Kryetari i Partisë Republikane, Fatmir Mediu është shprehur se negociatat me Kryedemokratin Lulzim Basha po vazhdojnë dhe sipas tij mes tyre do të ketë...

Si vdekja e një vëllai nxiti një revolucion

Në një qytet provincial të përgjumur, lindi një djalë me emrin Vladimir Uljanov. Kur të rritej ai do të luante një rol të madh...

Itali/ Kapet me 300 mijë euro drogë biznesmeni shqiptar (Emri)

Një shqiptar i identifikuar si Dorian Resili, ka rënë në prangat e policisë italiane, pasi ky i fundit ëstë kapur me drogë, e cila...

Shëndetësia/ Hajdari: Mjekët paradite punojnë në publik, pasdite në privat

Arrestimi i gjyqtares Enkelejda Hoxha bëri shumë bujë në opinionin publik, pasi ajo kishte liruar nga burgu disa persona të dënuar me burgim të...

Nuk vuani aspak nga i ftohti gjatë dimrit? Ja çfarë e shkakton këtë gjë

Shumica prej nesh,detyrohemi të përjetojmë një periudhë me mot të ftohtë për të paktën një pjesë të vitit. Dhe një studim i ri ka...